Ադրբեջանում արմատականներին ֆինանսավորող «Ջիհադի հիմնադրամ» է գործում. ադրբեջանական մամուլ
Վերջին օրերին ադրբեջանական ու միջազգային մամուլում լուրեր են շրջանառվում Ադրբեջանի ներսում «Իսլամական պետություն» (ԻՊ) ահաբեկչական խմբավորմանը ֆինանսական օգնություն ցուցաբերելու մասին: Ադրբեջանական Publika.az կայքն էլ իր հերթին հայտնում է, որ Ադրբեջանի հյուսիսային շրջաններում իսլամի արմատական թևի` խարիջի ներկայացուցիչներն ԻՊ-ին օգնելու նպատակով «Ջիհադի հիմնադրամ» են ստեղծել, որին ամեն ամիս գումար են փոխանցում:
Ինչպես տեղեկացնում է կայքը, Բաքվի ոոստիկանությունը հետևում է մի քանի մեծ օբյեկտների, որոնք կասկածվում են ԻՊ-ին ֆինանսական օգնություն ցուցաբերելու հարցում:
Կայքն իր աղբյուրներից ստացած այս տեղեկատվության իսկությունն ամրապնդում է նաև նրանով, թե Կրոնական կառույցների հետ աշխատանքի գծով պետական հանձնաժողովի ղեկավար Մուբարիզ Գուրբանլըն ավելի վաղ հայտարարել էր, որ «եթե հայտնաբերեն ադրբեջանցի երիտասարդներին Սիրիա մեկնելու և ԻՊ-ին կամ տարբեր ահաբեկչական կառույցներին միանալու համար հավաքվող ֆինանսական աղբյուրներ, անմիջապես կչեզոքացնեն»: Publika.az-ը հավաստիացնում է, որ Գուրբանլըն նման բան չէր ասի, եթե տեղյակ չլիներ արդեն գոյություն ունեցող ֆինանսական աղբյուրներից:
Կայքը հիշեցնում է, որ Գուրբանլըի խոսքերով` ինքը եղել է նման օբյեկտներում, և իրենք տեղեկություններ ունեն` արմատականներն իրենց միջոցներով կենտրոններ են ստեղծում ու նոր անդամներ ներգրավում:
Արմատական խավարիջիների կողմից գումարներ հավաքագրվելու վերաբերյալ հայտարարությամբ հանդես է եկել նաև կրոնաբան, փորձագետ Այդըն Ալիզադեն: Նա նշել է, որ արմատականների հավաքված ընդհանուր տարեկան գումարը կազմում է մոտ 5 մլն ԱՄՆ դոլար: Նրա խոսքերով` դա հավաքագրվում է և´ արտասահմանից արվող փոխանցումների ու բիզնես կառույցների նվիրատվությունների, և´ արմատական խմբավորումների անդամների միջոցների հաշվին:
Publika.az-ը նաև հիշեցնում է, որ այդ 5 մլն դոլարի մասին նշել էր այդ թվում ուկրաինական Umma.us կայքը` մեջբերելով նույն Գուրբանլըի խոսքերն այն մասին, թե արմատական խմբավորումները նյութական միջոցներ են ստանում հիմնականում մեծ առևտրային կենտրոններից, սուպերմարկետներից ու այլ օբյեկտներից:
Նյութեր թեմայի շուրջ`
Ադրբեջանում հրդեհել են Բաքվի ավաններից մեկի մզկիթը` սալաֆիականների հավաքատեղին
Սումգայիթում ոստիկանությունն առանց բացատրության տանջանքների է ենթարկել հավատացյալների
Ադրբեջանը կրոնական անհանդուրժողականության բարձր մակարդակով երկրների շարքում է. «Կրոնական ազատություն 2014»
Ադրբեջանի հատուկ ծառայությունները չեն խոչընդոտի ծայրահեղականների՝ Սիրիա մեկնելուն
Լրահոս
Տեսանյութեր
Մենք Թումանյանին այնքան էլ լավ չգիտենք. Թանգարանի տնօրեն
